Baza Sŭahila Gramatiko

En Esperantujo, la sŭahila lingvo ofte altiras la intereson kaj scivolemon de multaj homoj ĉar ĝi estas ofte konsiderata simila al Esperanto pro sia prononco, pro la tre malmultaj esceptoj kaj pro la intensa uzo de afiksoj. La celo de ĉi tiu libro ne estas instrui la lingvon. Tiuj, kiuj deziras pli lerni, estas invitataj akiri pli kompletajn gramatikojn aŭ ĉeesti normalajn kursojn de sŭahila lingvo. Ĉi tiu libreto prezentas la fundamentajn regulojn de la sŭahila gramatiko en la plej logika kaj konkreta maniero per ekzemploj kaj tabeloj por faciligi la komprenon kaj ĝuste parkerigi tempojn, verbformojn kaj sintaksan strukturon. Ĝi estas destinita kaj al tiuj, kiuj volas kontentigi sian scivolemon kaj fine kontroli la gradon de simileco kun Esperanto kaj al tiuj, kiuj volas havi kun si gramatikan kajeron dum vojaĝo kaj aliaj situacioj, en kiuj ili deziras kompreni mallongajn skribajn aŭ parolajn tekstojn. La leganto ne miru, se iuj el la reguloj prezentitaj en ĉi tiu libro ne estas respektataj, ĉar multaj homoj ankoraŭ ne konas la norman lingvon.